ಆಧುನಿಕ ವಚನಗಳು!

ವಿದ್ಯೆಗೂ ಬುದ್ಧಿಗೂ ಎತ್ತಣಿಂದೆಂತ್ತ ಸಂಬಂಧವಯ್ಯ?

ವಿದ್ಯೆ ಇಲ್ಲದೆಯೂ ಬುದ್ಧಿ ಇರಬಹುದು

ಬುದ್ಧಿಯೇ ಇಲ್ಲದಿರೆ ವಿದ್ಯೆ ಎಲ್ಲಿಂದ ಒಲಿಯುವುದು ಪೆದ್ದುಗುಂಡ !

ಗೊತ್ತಿರದ ಊರಿನಲಿ ಗೊತ್ತಿಲ್ಲದ ಹೊತ್ತಿನಲ್ಲಿ

ಗೂಗಲ್ ಮ್ಯಾಪನ್ನು ನಂಬಿಕೊಂಡು

ಸುತ್ತಿ ಸುಳಿದು ದಾರಿ ತಪ್ಪಿದೊಡೆ

ಯಾರನ್ನು ಶಪಿಸುವೆಯೋ ಪೆದ್ದುಗುಂಡ  !

ಟಿಕೆಟ್ ಪಡೆದು ಮೂರು ಗಂಟೆ ಕ್ಯೂನಲ್ಲಿ ನಿಂತು 

ಧರ್ಮ ದರ್ಶನದಲ್ಲಿ ಒಂದು ಗಂಟೆಗೇ ಹೊರ ಬಂದವರ ನೋಡಿ

ಟಿಕೆಟ್ ದರ್ಶನಕ್ಕಿಂತ ಧರ್ಮ ದರ್ಶನವೇ ಲೇಸೆಂದ ಪೆದ್ದುಗುಂಡ  !

ಎಷ್ಟೂರು ಸುತ್ತಿದರೂ ಏನೆಲ್ಲಾ ನೋಡಿದರೂ

ಕರುನಾಡಿಗಿಂತ ಮಿಗಿಲಿಲ್ಲ ಕನ್ನಡಕ್ಕಿಂತ ಮಿಗಿಲಾದ ಭಾಷೆಯಿಲ್ಲವೆಂದ

ನಿಜವಾದ ಕನ್ನಡ ಪ್ರೇಮಿ ಈ ಪೆದ್ದುಗುಂಡ!!

• ಪೂವಿಕೃ (ಸಾಹಿತ್ಯ ಸಿಂಚನದಲ್ಲಿ ದ್ವಿತೀಯ ಬಹುಮಾನ ಪಡೆದ ವಚನಗಳು)